自己平時都有上網睇好多youtube片段分享韓國婚攝，覺得好專業，studio又靚，亦因為我地之前喺香港影嘅結婚相實在太唔滿意，拍攝過程既辛苦亦唔開心，影出黎嘅相同睇佢地profolio完全唔一樣，所以決定去韓國影多一輯！
我join嘅公司係Korea Wedding Pledge韓國婚紗攝影協會，佢地唔係agent公司黎架，我係無意中喺youtube睇到佢地有好多真實studio拍攝片段先認識呢間公司。喺決定join佢之前，其實我分別都問過好幾間婚攝公司，包括Lexxxx Korea、TxxHxx Wedding、Oxx + Oxx、Korean Axxxx Studio、Studio Wxxkxx+等等，但係最後都冇揀到，因為佢地全部嘅回覆都係你問一句佢答一句（甚至幾日後先覆你）／答你唔可以網上報價，只有上佢地office才會報（完全唔明白）／套餐只包基本野（其他一律要逐項額外加錢，例如升級婚紗、升級化妝、升級髮型等等)但係當我第一次接觸Korea Wedding Pledge，每問一個問題，小翻譯除左好快回覆之餘，仲會額外講多啲你冇問到嘅內容比你知，揀studio時亦會比好多意見你，因為佢喺當地工作，所以佢可以講到好多佢工作上嘅親身經驗比你知，例如每間studio嘅攝影師影出黎嘅效果同sample會唔會有差異、studio大唔大、場景多唔多、客人影完嘅評價、攝影師有冇影外國客人嘅經驗等等，而唔係一味sell你揀最貴最頂級嘅studio。而因為我喺香港有一次唔好嘅經驗，所以我對再次影PW要求都好高，我記得我當時足足問左小翻譯一個月先落實，但係小翻譯都超有耐性逐樣解答。最重要係因為小翻譯係呢間韓國攝影公司裡嘅香港職員，由我一開始網上洽談，到佢地黎香港婚展見面簽約（仲見埋韓國老闆tim），到我地去韓國揀禮服同攝影都係小翻譯跟住我地！以上呢啲我相信其他agent公司未必做到，所以我對佢地好有信心。
一般韓國婚攝都係2 day package，第一日會先安排揀婚紗同禮服，估唔到攝影公司老闆都有一齊黎監督住呀同Korea Wedding Pledge合作嘅婚紗公司係Marilena，package價錢已包含所有款式，唔會話特別款式有額外升級費用。我事前已經搵左一啲自己喜歡嘅reference比職員參考，佢地會根據你喜歡的款式同埋你所揀嘅studio而去攞婚紗比你試。雖然婚紗款式並唔係全部都係我嘅心水，亦都冇得睇哂所有款式先揀，但由於我係一位有選擇困難症嘅人，所以我冇要求要試更多唔同款式，我選擇相信佢地專業嘅眼光。試衫全程雖然只有一位職員負責，但係都超級快手！著好婚紗之後，職員仲會幫我紮個簡單嘅髻、夾埋耳環、拎埋手捧花比你睇到最接近嘅效果。而新郎方面就小啲選擇，主要以淨色西裝為主，如果身型係偏瘦嘅新郎，選擇會更小。最後我地喺1.5小時內試左大約6條婚紗同4套西裝，效率非常之快亦都唔會阻礙本身我地安排好嘅行程。
第二日出發化妝同拍攝之前，我地食左飯捲同蒸餃，因為擔心食太飽著婚紗會更辛苦而唔敢食太多，但係其實可以食多小小都唔怕，因為整個化妝、造形直至去到studio開始拍攝都有3小時嘅距離，絕對有足夠時間消化！由於我地會影夜景，所以由下午1點先開始化妝。整個過程分左3部份，包括上底妝、髮型同化妝。每一 part都會有唔同嘅職員負責，整個過程好流暢同好快，基本上一part完成就會馬上開始下一part，絕對唔會浪費時間要你坐喺度等，但係過程一啲都唔馬虎架！韓國嘅化妝技巧同髮型真係好專業，同我喺香港經歷差太遠。例如，由於我對眼望落比較冇神，但係佢地只靠幼嘅眼線、靠一株株痴上去嘅假眼睫毛、靠soft tone嘅眼影，都可以令我對眼好精靈好有神。但係之前喺香港影相，因為化妝師技術唔夠，影相時佢問我係咪好眼訓…. 🤨另外，我頭髮本身好薄，韓國髮型師會盡力用佢地嘅技巧或者駁髮，去令我本身嘅頭髮變蓬鬆變得有厚度，而造型亦偏向自然高貴，亦會問你鍾唔鍾意。而喺香港，我比個化妝師夾到我成頭粟米痕，攪到張張相都清楚見到粟米之餘，影outdoor時個髮型仲「自然」到只係放哂頭髮落黎，再將我前面嘅蔭夾起哂上去，從頭到尾所有妝髮更加冇比過鏡我去照 可以比大家睇下我「自然」嘅髮型同粟米️
喺salon完成哂造型後，姨母會準備好哂你所選的婚紗禮服，同小翻譯同我地一齊坐公司車去studio，大約5分鐘車程啦。到左studio後會先同當日的攝影師打招呼，攝影師係冇得選擇嘅，視乎當日攝影師檔期而安排。然後大家就開始換衫喇，當日姨母帶左好多唔同嘅top比我配襯，令婚紗有更多造型。另外，我自己本身冇穿耳，之前亦冇特別說明，因為唔戴耳環都冇所謂，但係姨母竟然帶左多款夾耳環比我配戴，真係每一個細節都唔會放過你，不過就唔係所有耳環款式都靚。之後就一齊聽攝影師講解要注意嘅事項同互相溝通認識下，不過不幸嘅係當日全日都落好大雨，大雨到警報都出埋，而清潭studio有好多場景、夜景、甚至signature嘅景都係喺屋頂，攝影師都話未必可以影到，當下真係有小小失望但係又幸運地我地遇到個好有趣嘅攝影師、好識帶動氣氛嘅小翻譯同好出力嘅姨母。我地一直跟住小翻譯嘅指示去做動作，而大家亦會叫我地加油、讚我地影得好，需知道影結婚相係一件好辛苦嘅事，有人一直比鼓勵我地係會開心好多。所以喺整過拍攝過程我地都好開心，氣氛超輕鬆！攝影師中途亦有幫我地捕捉住有冇停雨，等我地可以一停雨就上去屋頂影。
影左大約1個鐘頭之後，因為我幾乎全日空肚，件婚紗又紮得好緊，再加上喺屋頂淋左小小雨，黎到韓國又訓得唔好，我開始好唔舒服，頂唔順話要休息一陣。其實我好擔心會影響大家要遷就我一個，同埋阻大家收工，但係小翻譯好細心咁幫我同大家解釋，攝影師同姨母一聽完即刻拎左好多朱古力同糖比我，等我補充糖份，最估唔到係攝影公司老闆去左附近便利店買左幾個叮叮漢堡包比我地補充體力，大家都好關心問我有冇事呀🥰幸好食完野休息夠即刻精神返哂，可以繼續影相。到左日落之後亦都好好彩地完全停左雨，我地可以再次上屋頂影夜景。
喺影相嘅過程又再一次令我覺得，同我喺香港影相真係差太遠！我地喺香港影相當日，有一個攝影師、一個化妝師同一個助手跟住我地，每次影相，只見化妝師同助手企埋一邊吹水，原全唔會理條裙擺擺成點、西裝領呔有冇移位、頭髮有冇亂到、有冇髮碎遮住個樣等等細節野，我地係之後收到相先發現呢啲問題出哂黎，而且指示又抽象，成日叫我地擺個好有「盼望」嘅表情，但係我地唔係專業model呀….🤦♀️事前又冇提我地準備一啲手捧花影相，結果我所有著婚紗影出黎嘅相都係空蕩蕩。最差嘅係，我地為左影outdoor而專登準備左好多大嘅氫氣球，但係個助手竟然將啲氫氣球放哂上天，仲一句道歉都冇 但係喺韓國，攝影師同姨母都好嚴格好專業，我地擺嘅pose、每個角度、婚紗裙擺、禮服、甚至乎一條頭髮一隻手指，都要乎合攝影師嘅要求先會影，指示亦相當清晰易明，而每個場景亦會配襯返專屬嘅手捧花同頭飾。
返到香港4日後就已經收到所有原相，總共有500張以上，非常有效率睇原相未執都已經好靚，今次要揀30張相落相簿，同上次一樣都係揀唔落手，因為香港影嘅相係核突到揀唔到，而韓國影嘅相，係每一張都靚到唔知點揀呀總括今次去韓國影相真係好開心好滿意，亦都真正見識到韓國婚攝嘅專業呀！真心推介呢間咁細心嘅攝影公司比大家呀！
自己平時都有上網睇好多youtube片段分享韓國婚攝，覺得好專業，studio又靚，亦因為我地之前喺香港影嘅結婚相實在太唔滿意，拍攝過程既辛苦亦唔開心，影出黎嘅相同睇佢地profolio完全唔一樣，所以決定去韓國影多一輯！
我join嘅公司係Korea Wedding Pledge韓國婚紗攝影協會，佢地唔係agent公司黎架，我係無意中喺youtube睇到佢地有好多真實studio拍攝片段先認識呢間公司。喺決定join佢之前，其實我分別都問過好幾間婚攝公司，包括Lexxxx Korea、TxxHxx Wedding、Oxx + Oxx、Korean Axxxx Studio、Studio Wxxkxx+等等，但係最後都冇揀到，因為佢地全部嘅回覆都係你問一句佢答一句（甚至幾日後先覆你）／答你唔可以網上報價，只有上佢地office才會報（完全唔明白）／套餐只包基本野（其他一律要逐項額外加錢，例如升級婚紗、升級化妝、升級髮型等等)但係當我第一次接觸Korea Wedding Pledge，每問一個問題，小翻譯除左好快回覆之餘，仲會額外講多啲你冇問到嘅內容比你知，揀studio時亦會比好多意見你，因為佢喺當地工作，所以佢可以講到好多佢工作上嘅親身經驗比你知，例如每間studio嘅攝影師影出黎嘅效果同sample會唔會有差異、studio大唔大、場景多唔多、客人影完嘅評價、攝影師有冇影外國客人嘅經驗等等，而唔係一味sell你揀最貴最頂級嘅studio。而因為我喺香港有一次唔好嘅經驗，所以我對再次影PW要求都好高，我記得我當時足足問左小翻譯一個月先落實，但係小翻譯都超有耐性逐樣解答。最重要係因為小翻譯係呢間韓國攝影公司裡嘅香港職員，由我一開始網上洽談，到佢地黎香港婚展見面簽約（仲見埋韓國老闆tim），到我地去韓國揀禮服同攝影都係小翻譯跟住我地！以上呢啲我相信其他agent公司未必做到，所以我對佢地好有信心。
一般韓國婚攝都係2 day package，第一日會先安排揀婚紗同禮服，估唔到攝影公司老闆都有一齊黎監督住呀同Korea Wedding Pledge合作嘅婚紗公司係Marilena，package價錢已包含所有款式，唔會話特別款式有額外升級費用。我事前已經搵左一啲自己喜歡嘅reference比職員參考，佢地會根據你喜歡的款式同埋你所揀嘅studio而去攞婚紗比你試。雖然婚紗款式並唔係全部都係我嘅心水，亦都冇得睇哂所有款式先揀，但由於我係一位有選擇困難症嘅人，所以我冇要求要試更多唔同款式，我選擇相信佢地專業嘅眼光。試衫全程雖然只有一位職員負責，但係都超級快手！著好婚紗之後，職員仲會幫我紮個簡單嘅髻、夾埋耳環、拎埋手捧花比你睇到最接近嘅效果。而新郎方面就小啲選擇，主要以淨色西裝為主，如果身型係偏瘦嘅新郎，選擇會更小。最後我地喺1.5小時內試左大約6條婚紗同4套西裝，效率非常之快亦都唔會阻礙本身我地安排好嘅行程。
第二日出發化妝同拍攝之前，我地食左飯捲同蒸餃，因為擔心食太飽著婚紗會更辛苦而唔敢食太多，但係其實可以食多小小都唔怕，因為整個化妝、造形直至去到studio開始拍攝都有3小時嘅距離，絕對有足夠時間消化！由於我地會影夜景，所以由下午1點先開始化妝。整個過程分左3部份，包括上底妝、髮型同化妝。每一 part都會有唔同嘅職員負責，整個過程好流暢同好快，基本上一part完成就會馬上開始下一part，絕對唔會浪費時間要你坐喺度等，但係過程一啲都唔馬虎架！韓國嘅化妝技巧同髮型真係好專業，同我喺香港經歷差太遠。例如，由於我對眼望落比較冇神，但係佢地只靠幼嘅眼線、靠一株株痴上去嘅假眼睫毛、靠soft tone嘅眼影，都可以令我對眼好精靈好有神。但係之前喺香港影相，因為化妝師技術唔夠，影相時佢問我係咪好眼訓…. 🤨另外，我頭髮本身好薄，韓國髮型師會盡力用佢地嘅技巧或者駁髮，去令我本身嘅頭髮變蓬鬆變得有厚度，而造型亦偏向自然高貴，亦會問你鍾唔鍾意。而喺香港，我比個化妝師夾到我成頭粟米痕，攪到張張相都清楚見到粟米之餘，影outdoor時個髮型仲「自然」到只係放哂頭髮落黎，再將我前面嘅蔭夾起哂上去，從頭到尾所有妝髮更加冇比過鏡我去照 可以比大家睇下我「自然」嘅髮型同粟米️
喺salon完成哂造型後，姨母會準備好哂你所選的婚紗禮服，同小翻譯同我地一齊坐公司車去studio，大約5分鐘車程啦。到左studio後會先同當日的攝影師打招呼，攝影師係冇得選擇嘅，視乎當日攝影師檔期而安排。然後大家就開始換衫喇，當日姨母帶左好多唔同嘅top比我配襯，令婚紗有更多造型。另外，我自己本身冇穿耳，之前亦冇特別說明，因為唔戴耳環都冇所謂，但係姨母竟然帶左多款夾耳環比我配戴，真係每一個細節都唔會放過你，不過就唔係所有耳環款式都靚。之後就一齊聽攝影師講解要注意嘅事項同互相溝通認識下，不過不幸嘅係當日全日都落好大雨，大雨到警報都出埋，而清潭studio有好多場景、夜景、甚至signature嘅景都係喺屋頂，攝影師都話未必可以影到，當下真係有小小失望但係又幸運地我地遇到個好有趣嘅攝影師、好識帶動氣氛嘅小翻譯同好出力嘅姨母。我地一直跟住小翻譯嘅指示去做動作，而大家亦會叫我地加油、讚我地影得好，需知道影結婚相係一件好辛苦嘅事，有人一直比鼓勵我地係會開心好多。所以喺整過拍攝過程我地都好開心，氣氛超輕鬆！攝影師中途亦有幫我地捕捉住有冇停雨，等我地可以一停雨就上去屋頂影。
影左大約1個鐘頭之後，因為我幾乎全日空肚，件婚紗又紮得好緊，再加上喺屋頂淋左小小雨，黎到韓國又訓得唔好，我開始好唔舒服，頂唔順話要休息一陣。其實我好擔心會影響大家要遷就我一個，同埋阻大家收工，但係小翻譯好細心咁幫我同大家解釋，攝影師同姨母一聽完即刻拎左好多朱古力同糖比我，等我補充糖份，最估唔到係攝影公司老闆去左附近便利店買左幾個叮叮漢堡包比我地補充體力，大家都好關心問我有冇事呀🥰幸好食完野休息夠即刻精神返哂，可以繼續影相。到左日落之後亦都好好彩地完全停左雨，我地可以再次上屋頂影夜景。
喺影相嘅過程又再一次令我覺得，同我喺香港影相真係差太遠！我地喺香港影相當日，有一個攝影師、一個化妝師同一個助手跟住我地，每次影相，只見化妝師同助手企埋一邊吹水，原全唔會理條裙擺擺成點、西裝領呔有冇移位、頭髮有冇亂到、有冇髮碎遮住個樣等等細節野，我地係之後收到相先發現呢啲問題出哂黎，而且指示又抽象，成日叫我地擺個好有「盼望」嘅表情，但係我地唔係專業model呀….🤦♀️事前又冇提我地準備一啲手捧花影相，結果我所有著婚紗影出黎嘅相都係空蕩蕩。最差嘅係，我地為左影outdoor而專登準備左好多大嘅氫氣球，但係個助手竟然將啲氫氣球放哂上天，仲一句道歉都冇 但係喺韓國，攝影師同姨母都好嚴格好專業，我地擺嘅pose、每個角度、婚紗裙擺、禮服、甚至乎一條頭髮一隻手指，都要乎合攝影師嘅要求先會影，指示亦相當清晰易明，而每個場景亦會配襯返專屬嘅手捧花同頭飾。
返到香港4日後就已經收到所有原相，總共有500張以上，非常有效率睇原相未執都已經好靚，今次要揀30張相落相簿，同上次一樣都係揀唔落手，因為香港影嘅相係核突到揀唔到，而韓國影嘅相，係每一張都靚到唔知點揀呀總括今次去韓國影相真係好開心好滿意，亦都真正見識到韓國婚攝嘅專業呀！真心推介呢間咁細心嘅攝影公司比大家呀！